白姐姐The Austin一買兩個

【明報專訊】政府推出樓市辣招的確嚇怕部分市民唔敢買樓，但近期多個樓盤都推售，其中西九多個樓盤搶客，反應都唔錯。立法會議員謝偉俊阿Paul同女朋友白韻琹，早前排隊去撲「天璽」無功而還之後，今次白姐姐就抽中咗買The Austin兩個單位，總值約1800萬，阿Paul同Emily講，兩個單位打算用嚟收租。


阿Paul：傾BSD會申報

阿Paul話佢自己只攞到400幾號籌，所以買樓無望。但相反白姐姐拎住207號籌，所以最終如願買咗兩個單位。


阿Paul又話，兩個單位都係800至900萬左右嘅細單位，會用嚟收租。佢仲笑住話因為政府推出辣招，所以今次買樓畀稅都幾甘。佢話遲啲係立法會傾買家印花稅（BSD）嘅時候，一定會主動申報呢兩層樓。


資料顯示，The Austin過去周六開售連加推共185伙，呎價超過2.3萬元。