淨心BB復出

【明報專訊】淨心BB有新搞作，連奧巴馬都要到賀撐場！愛港力前召集人陳淨心脫離「愛港力」核心後豹隱咗一段時間，噚日復出，打出另一「愛」字頭爐灶「愛港行動」，現身去大窩口一間教會門外，抗議該教會搞佔中研討會，要求教會要中立，仲點名批評工黨李卓人、真普聯鄭宇碩同佔中發起人朱耀明早前去台灣同施明德會面，勾結「台獨」係「漢奸」。不過，佢哋批評嘅3人，噚日無獲邀出席研討會。


受訪要梳頭 先溫和後扯火

淨心BB話，佢之前因私人理由退出愛港力，仲話新成立嘅「愛港行動」成員部分都係網民。淨心BB噚日見到傳媒，原本表現好溫和，仲要拎把梳出嚟梳頭先扑咪受訪。點知被問到點解要另起爐灶、會否分薄愛字頭力量、會否影響反佔中效果時，佢就扯火咁話自己唔算係另起爐灶！


參與「愛港行動」 否認另起爐灶

新成立「愛港行動」嘅成員明顯無以往愛港力支持者咁鍾意上鏡，唔少人都戴黑超或者以示威牌遮面，仲有人戴住美國總統奧巴馬面具