財爺講《變形金剛》 讚香港啱取景

【明報專訊】近日《變形金剛4﹕滅絕紀元》攝製隊嚟香港取景，連財爺曾俊華寫網誌都要講吓Bumblebee（大黃蜂）。財爺話當年都買過博派機械人玩偶畀囝囝，原來個玩具仲係由立法會議員林健鋒嘅家族公司生產。財爺又賣花讚花香，大讚香港好適合電影取景，今年頭10個月由電影服務統籌科協調處理嘅本地及外地公司外景拍攝個案已有617個，超越2011同2012年成年嘅數量。


曾送博派公仔畀囝囝

財爺話包括Bumblebee在內嘅博派和狂派機械人嘅超級跑車早前「襲擊」政總，搞到政總拍攝時充滿「火藥味」。財爺又話柯柏文同麥加登呢兩個變形金剛首領當然係「好年輕」，但對於香港嘅七八十後，《變形金剛》係家傳戶曉嘅漫畫人物。


財爺賣花讚花香，大讚香港有天際線、唔同嘅宏偉基建、全世界最繁忙嘅街道同別具特色嘅舊社區等等，全部都係拍電影嘅優良選擇，自然吸引到外國攝製隊來港取景。