著「CY T恤」 港視員工唔畀入立會？

【明報專訊】香港電視員工連日喺政府總部外留守，有人不時著住件由員工設計、印上特首梁振英、商務及經濟發展局長蘇錦樑肖像，寫有「媽的！我做錯了什麼！」嘅T恤。噚日有港視員工去立會公眾席打算旁聽，但網上有人話，保安要求佢哋用膠紙遮住有關字句，先准佢哋入內咁講。


但立法會秘書處回覆話，根據法例，喺記者席或公眾席上，任何人不得展示任何衣物上嘅標誌或標語，否則立會人員可拒絕佢哋進入。據Emily了解，其實保安要求佢哋換過件衫，又或者唔展示有關標語先至入去，但港視員工就自行搵膠紙遮蓋，唔想換衫咁煩。