紐航尋南極冒險家

【明報專訊】全球最神秘莫測、最人迹罕至嘅南極，有錢都未必去得到，但新西蘭航空搞咗個「南極洲﹕非凡地點，非凡使命」活動，將會選出一個「南極冒險家」，安排兩星期嘅旅程去南極洲嘅新西蘭科特基地（Scott Base）生活，仲有《國家地理雜誌》（National Geographic）著名攝影師Jason Edwards陪同，一齊睇睇南極現狀，觀察企鵝棲息地，記錄所見所聞，然後喺網上發布成果。


短片配音字幕提申請

要脫穎而出，就要發揮創意，新西蘭航空嘅網頁顯示，所有參加者都要從兩段約30秒嘅南極影片之中，挑選其中一段，錄製配音或者配上字幕，然後提交申請，最後限期係11月7日。新西蘭航空又話，會以配音或字幕嘅水平同內容，嚟挑選佢地心目中嘅「南極探險家」。