林煥光講羅生門

【明報專訊】大家有無聽過《羅生門》嘅故事？內容大致係講，一件事發生咗，各人有不同講法。Emily同你講呢個故事就無特別，但由行政會議召集人林煥光講出嚟，係咪有另一番體會？林煥光噚日出席《明報》校園記者活動致辭時，就同學生記者分享呢個故事。


無回應是否暗示電視發牌

林煥光喺致辭時同一班校園記者講，家現實複雜，真相難求，仲同學生解釋羅生門嘅典故。佢勉勵學生要學識追尋真相，不怕艱難，畢生受用。事後記者問林煥光講羅生門，係咪暗示緊電視發牌事件，佢就無回應。


林煥光亦有同學生記者話，自己多年來同傳媒打交道，發現好多應對唔到記者問題嘅人，最後都會拋下三個字﹕「問心無愧」。 佢仲話，讀歷史嘅人會知道，好多事睇第一層以為就係答案，但原來一直揭落去嘅話，愈來愈多事實揭出來嘅時候，好多歷史都在改寫咁話。


《明報》校園記者踏入第17屆，今屆有420名高中生參加，未來一年會有機會實習採訪，體驗記者生活。