康泰送海洋公園飛 先要過五關

【明報專訊】康泰旅行社嘅「尊享會」會員計劃開咗一年，為慶祝生日，搞個「生日大派對」，送出50張海洋公園門票畀旅客。不過，想中獎都要有「腦力」，參加者須先免費登記成為「尊享會」會員，再關注康泰喺微信（WeChat）嘅官方帳號，嚟緊11月18至22日，答中佢哋發放嘅推廣信息問題，再轉寄畀10位朋友，先可以享有中獎資格。


「尊享會」係提供旅遊資訊同折扣優惠嘅計劃，可以免費申請成為會員。康泰趁呢個會一周年送禮，每日第1位、第51位、 第101位、第151位及第201位回覆「正確答案」嘅參加者，可獲12月7日嘅海洋公園門票2張，名額25個，但中獎要經過登記、關注、回答、轉寄同排位「五大關卡」，睇嚟要畀足心機喇。