自由野明年暫別西九

【明報專訊】為期兩日嘅免費戶外藝術節「自由野2013」，下月14、15日喺西九龍海濱長廊舉行，有400個單位參演，預料會吸引6萬人次參與。西九文化區管理局表演藝術行政總監茹國烈透露，明年呢個時候，西九海濱長廊應已動工興建公園，到時自由野會暫別西九，直至2015年完工，相信屆時會有大片草地，畀更多團體表演，令自由野呢個活動可以延續落去。


下月舉行 規模更大

今年自由野規模較去年更大，除咗可滿足音樂愛好者不同口味，400個來自本地及海外嘅表演單位，將帶來15小時嘅音樂、舞蹈、媒體藝術、工作坊、講座、草地讀書會等。


明可憑App攞入場券

Emily發現，今年嘅自由野有唔少街頭文化，例如會有街舞表演，又會首次加入喺城市跑跳穿越嘅「跑酷」（Parkour）運動，邀請世界級運動員來港獻技。西九管理局整咗個App「自由野」，噚日開始喺App Store或Google Play供下載，裏面有自由野嘅資料，亦可於本周三利用呢個App登記，免費取得電子入場券。