大家樂義賣禮包 變待用餐券

【明報專訊】最近興「待用飯券」呢個概念，唔少食肆都推出呢項措施以幫助有需要嘅人。大家樂就趁45周年慶，聯同減廢組織「食德好」推出「社區待用餐券」計劃，今日起，大家樂140多間分店會義賣2.25萬個愛心禮包，每個20蚊，籌到嘅45萬蚊，會轉換成2萬張待用券，通過食德好派發畀有需要人士，佢哋憑呢張券，可以喺大家樂免費領取一份王牌食品加飲品。

伙食德好 予有需要者換餐

食德好行政總監鄧燕梨話，2萬張待用餐券，主要會交畀同佢哋一路合作開嘅31個組織同食德好去派發，會派畀低收入者、綜援家庭、露宿者同長者等，預計12月佢哋就會收到待用券。

大家樂首席執行官羅開光話，呢個愛心禮包價值60蚊，但只賣20蚊，抵買之餘又可以行善