海洋公園上網買飛小童五折

【明報專訊】香港迪士尼樂園最新建成嘅遊樂設施「迷離大宅」，喺剛公布嘅世界主題娛樂協會（TEA）第20屆主題娛樂大獎（THEA Awards）中，奪得「傑出成就獎——遊樂設施」。迪士尼話TEA係全球主題娛樂行業最權威機構，相等於電影界嘅「奧斯卡獎」咁話喎。


另外，海洋公園下個月1號開始舉辦「聖誕全城Ho Ho Ho」，今年以深海聖誕做主題，會推出海鮮聖誕大餐，最重要係小朋友同全日制學生由即日起至12月20日，上海洋公園網站（ticketing.oceanpark.com.hk）買飛，可享五折同七折優惠，即小童門票80元，全日制學生門票224元。而即日起至12月31日申請智紛全年入場證，可享有14個月有效期嘅優惠，續證則享有八五折或14個月有效期優惠。