明天領養日狗狗等你寵愛

【明報專訊】漁護署、愛護動物協會等組織聯合舉辦「有你寵愛——狗狗領養日」，聽日上午11點至下午6點，喺沙田排頭村遊樂場舉行。如果你喺呢個活動領養咗狗，可以免費參與漁護署提供嘅「狗隻行為訓練課程」，認真唔錯喎。


領養日節目豐富，有藝人分享養狗心得、教育展覽、攤位遊戲同狗隻領養服務介紹等，市民仲有機會親身接觸等待領養嘅狗隻。


領養日歡迎市民帶同寵物參加，但所有進場狗隻必須有牌、已接種預防狂犬病疫苗，同埋植入咗晶片。大家記住啦。