咖喱「飯」入冊歎咖喱

【明報專訊】立法會議員范國威人稱「咖喱飯」（Gary Fan諧音），佢噚日跟立法會保安事務委員會去赤柱監獄參觀設施，包括監倉、工場同廚房等。懲教署預備咗4款囚犯餐畀議員試食，毛孟靜（Miss Mo）特別舀咗咖喱同飯畀「咖喱飯」，「飯議員」大讚好好食，話有80分，但因為食開日本咖喱多，嫌赤柱咖喱有啲辣。Miss Mo食完「皇家飯」都覺得啲餸菜拍得住茶餐廳水準。Emily就試咗牛肉同赤柱「名菜」綠豆粥，覺得味道啱啱好。


Miss Mo讚皇家飯媲美茶記

保安事務委員會一行9個議員「入冊」參觀，懲教署隆重其事，出動多個署長級阿sir陪同參觀，包括署長單日堅。參觀後，委員會主席葉國謙話，赤柱啲保安設施幾嚴謹，但舊咗啲，署方亦申請緊撥款更換。