港人遷台報道 人民日報斥假

【明報專訊】近期有傳媒報道多咗港人移民台灣，更說今年9月移民台灣嘅港人人數「大增6倍」云云，內地官方《人民日報》噚日刊登署名文章，直斥近日港台有啲媒體刊登「港人熱中移居台灣」係別有用心嘅假新聞，呼籲兩岸四地加強交流，話當民眾關係愈密切、別有用心者就愈冇離間機會。


港府下午出稿「補充數據」

文章以〈虛假新聞的背後〉為題，批評台灣、香港某些媒體突然報道話香港部分中產階層急於逃離香港、台灣成為新寵，但其實台灣移民署官員已澄清呢啲報道資料引用有誤。


呢篇文一出，噚日黃昏港府就發稿「補充數據」，指據香港經濟貿易文化辦事處（台灣）取得的資料，港澳居民今年1至9月獲批定居許可嘅人數為486名，較2012年同期 （567名）跌14％。發言人話，其實「定居許可」有別於「居留許可」申請，後者包括因工作或讀書嘅入境申請，唔係永久居留性質，希望大家唔好搞亂。