學生參觀立會模擬投票

【明報專訊】政府前日公布嘅政改諮詢，「冷處理」廢除立法會功能組別同分組點票，不過，立法會主席曾鈺成噚日喺立法會「自廢」功能組別，宣布一項垃圾徵費動議獲通過，而呢項議員議案仲係唔使經分組點票！

話說噚日立法會特別活動「從立法局到立法會」啟動，一班同學仔參加導賞團，學做議員扮投票。雖然只係模擬投票，但在席「議員」好認真，有人擔心引入垃圾徵費會加重基層市民負擔，但有「議員」就話要污者自付。個個「議員」發言有板有眼，反而曾主席就叫唔出「議員」嘅名。


稱「時間不足」棄分組點票

呢個「動議」最終喺34票贊成、6票反對之下通過。不過，曾主席隨即同「議員」澄清，現實中，議員議案要經地區同功能組別通過，不過，由於唔夠時間問清楚呢班「議員」係屬於功能組別定係地區直選，所以今次唔做分組點票咁話。