比利時皇后訪社企

【明報專訊】比利時皇后瑪蒂爾德（前排右六）嚟咗香港3日，馬不停蹄出席公開活動，噚日最後一日嘅行程，去咗一間社企創立嘅語言治療中心，仲同嗰度嘅細路仔同家長傾偈。


皇后參觀嘅庭恩兒童中心，致力為低收入家庭而有特別需要接受言語訓練嘅小朋友提供言語治療。中心同比利時好有關係，因為中心嘅創辦人，係香港一間賣比利時朱古力糖果店嘅老闆夫婦，佢兩公婆將朱古力店嘅盈利用喺呢間中心。


貴客嚟到參觀社福機構，勞工及福利局長張建宗（前排右五）當然出馬陪佢四圍睇，臨走時仲嚟張大合照