聯合醫院憶那些年

【明報專訊】基督教聯合醫院（下稱聯合）1973年創院，為紀念建院40周年，聯合印製咗一本書，講喺1970年代，當聯合仲係政府補助醫院時，佢哋用有限嘅資源為觀塘、秀茂坪嘅窮人服務。協助聯合創院嘅巴治安醫生（Dr Peterson），主張聯合發展為「無牆醫院」——率先設立社康護士制度，由護士上門為病人提供護理服務，又喺區內開設社區健康中心照顧基層市民健康。


創院醫生Peterson中文講書

一生無私奉獻嘅巴治安醫生，1920年喺中國江西出生，佢同爸爸兩代都係傳教士醫生，佢除咗識做手術，仲識中文。那打素護士學校因搬遷曾落戶聯合醫院，巴治安喺護校教授生理解剖堂嗰陣係用中文講書，又用中文編寫《生理解剖學》。聯合家係醫管局轄下東九龍聯網龍頭醫院。巴治安喺今年1月中去世。