政府拍微電影軟銷輸勞

【明報專訊】政務司長林鄭月娥現時領導人口政策諮詢工作，而佢嘅人口政策網頁，就啱啱推出咗一段微電影宣傳，但呢段《外援大作戰》就真係好有引導性。片中話兩隊波對賽，一對係「本地薑」，另一隊叫「飛來猛」，前者全部本地球員，後者係聯合國部隊，龍門來自巴基斯坦、中場蘇格蘭人，前鋒係尼日利亞籍。呢班外援高大又好技術，幾下手腳炒咗「本地薑」4蛋。比賽後，本地薑球員都要諗輸入外援，而啱啱有位自稱「巴基斯坦美斯」嘅外籍人士經過，話願意加入。


講「飛來猛」隊大炒「本地薑」

影片末段，「本地薑」球員猛話，香港亦都要諗下喺一啲行業輸入外勞，補充香港不足喎！呢條片傾向性明顯，唔知工會嘅人哥或嫻姐，又會唔會拍番段微電影，講吓輸入外援會有可能令到本地球員無得上陣呢？