天文台推出月曆 首日閃電售罄

【明報專訊】天文台每年推出嘅月曆，上面載有唔少有用資料，例如特別氣候事件、日出日落時間、月出月落時間、日食及月食出現日期，同埋潮汐漲退資料等。此外，每個月仲有一幅精選天文現象靚相，對天文愛好者好有吸引力，以2014年嘅月曆為例，天文台噚日一出新聞稿月曆就即刻售罄，市民要買就要等下年嘞。


天文台話，月曆中嘅照片展示各種天氣現象嘅形態同色彩，台長岑智明話，希望透過月曆捕捉嘅影像，能夠引起市民對天氣同賞雲嘅興趣。


未知會否加印

本來，按照正常做法，政府出版嘅刊物包括天文台月曆，喺天文台資源中心、政府新聞處刊物銷售小組及地政總署九龍地圖銷售處都應該有售，網上「政府書店」www.bookstore.gov.hk原本亦都可以訂購。不過，Emily發現，網上政府書店顯示2014月曆原來已經售罄。有天文台中人話，發燒友住天文台喺Ｔwitter嘅動向，一出新聞稿即時入貨，所以甫推出就賣清光，目前未知會唔會加印。