立法會建橋 設「兒童畫廊」

定期更換至工程完結

噚日曾鈺成聯同立法會議員，同埋10個幼稚園小朋友一齊主持開幕禮。曾鈺成致辭時話，畫作可以令環境更加活潑，笑住咁話「當然我立法會議員都好活潑」。立法會秘書長陳維安話，每星期都有好多幼稚園學生參觀立法會，佢仲會畫畫，所以設立「兒童畫廊」，展示小朋友作品。

曾主席被細路圍

曾鈺成一去到開幕禮就畀小朋友包圍，大家爭住同曾主席影相，曾主席好識做，唔單止同小朋友合照，仲幫手貼畫作圍板上。其他立法會議員見到咁多可愛幼稚園小朋友，人人笑到見牙唔見眼，唔少議員仲抱起小朋友一齊影相。