網民計數﹕六四今日第8964日

【明報專訊】以往悼念六四事件，香港人都以正日計算周年紀念，但噚日有網民計到，以1989年6月5日為六四後第一天嘅話，今日係六四事件發生後第8964日，並製作「8964月曆」圖片悼念死難者，被網民瘋傳。支聯會主席李卓人話，自己都無留意到原來已經第8964日，仲話噚日係六四永久紀念館會址鑰匙交收一刻，而接近8964日紀念，令到成件事更有意義。


不過，經過8964日後，六四事件第1萬日都嚟緊，仍然平反無期，阿人就呼籲大家戰鬥到底，仲好樂觀咁話，相信只要香港市民堅持，六四唔使等到下一個8964日就可以獲得平反。