新聞類別
財經
詳情#
【明報專訊】做小琴呢一行，間唔中要追車、追人，有時都幾驚險。好似噚日港視（1137）喺葵涌搞周年股東大會（AGM），無安排傳媒入內採訪。不過魔童王維基嘅號召力驚人，當佢嘅座駕駛出大廈時，現場大約30個守候多時嘅傳媒行家即刻一哄而上，希望魔童可以開口講多幾句未來大計。
最終魔童只喺攪低車窗講咗句多謝，其間有一位盡責嘅攝記行家為求影得靚相而逼近車門邊。當時魔童私家車仍然緩慢前行，結果一時縮唔切、被壓親隻腳，司機見狀即時後退，幸好位行家坐低唞一唞後已經無事。
不過件事仲有下文，成班行家之後喺附近茶餐廳開飯，有位港視公關走入嚟，指收到魔童電話問候番個攝記，仲講明可以寄番張醫生紙claim數。無論是公關嘅場面工夫還是真心，小琴喺到都要讚下魔童。
[小琴密語]
最終魔童只喺攪低車窗講咗句多謝，其間有一位盡責嘅攝記行家為求影得靚相而逼近車門邊。當時魔童私家車仍然緩慢前行，結果一時縮唔切、被壓親隻腳，司機見狀即時後退，幸好位行家坐低唞一唞後已經無事。
不過件事仲有下文，成班行家之後喺附近茶餐廳開飯，有位港視公關走入嚟，指收到魔童電話問候番個攝記，仲講明可以寄番張醫生紙claim數。無論是公關嘅場面工夫還是真心，小琴喺到都要讚下魔童。
[小琴密語]
回應 (0)
