新聞類別
財經
詳情#
【明報專訊】內地樓價愈調愈高令政府好頭痕，最近央視將矛頭對準財大氣粗嘅發展商，喺節目「東方時空」點名內房龍頭老大萬科，指佢逃避土地增值稅達44億。不過萬科一點都不客氣，隨即反駁央視唔識嘢。
事緣央視個節目派記者實地調查咗萬科喺吉林同廣州嘅4個樓盤，發現都賣出超過八成半。同時搵咗一個不點名嘅專家話，只要銷售或預售比例達到八成半，就符合土地增值稅嘅清算條件。央視仲話萬科有30幾個項目都符合呢個清算條件，但就無交或少交土地增值稅。
隔日萬科火速發公告，鬧爆央視唔識嘢，強調按照國稅總局頒發嘅《土地增值稅清算管理規程》，房地產開發項目全部竣工、完成銷售嘅，先要清算土地增值稅。四個項目都唔符合（包括一個喺毛利率低過土地增值稅起徵點）。小琴翻查相關條例，的確係寫明要完全銷售嘅。唔知萬科係唔係覺得冇啦啦被人插咗一刀，仲披露埋自己近三年淨利不過294億元，但繳稅繳咗620億元。
[小琴密語]
事緣央視個節目派記者實地調查咗萬科喺吉林同廣州嘅4個樓盤，發現都賣出超過八成半。同時搵咗一個不點名嘅專家話，只要銷售或預售比例達到八成半，就符合土地增值稅嘅清算條件。央視仲話萬科有30幾個項目都符合呢個清算條件，但就無交或少交土地增值稅。
隔日萬科火速發公告，鬧爆央視唔識嘢，強調按照國稅總局頒發嘅《土地增值稅清算管理規程》，房地產開發項目全部竣工、完成銷售嘅，先要清算土地增值稅。四個項目都唔符合（包括一個喺毛利率低過土地增值稅起徵點）。小琴翻查相關條例，的確係寫明要完全銷售嘅。唔知萬科係唔係覺得冇啦啦被人插咗一刀，仲披露埋自己近三年淨利不過294億元，但繳稅繳咗620億元。
[小琴密語]
回應 (0)
