麥美娟賀卡玩「當年今日」

【明報專訊】踏入2014年，Emily收到唔少有心人嘅祝賀短訊，但講到溫馨，真係要數工聯會立法會議員麥美娟呢一個。佢呢張電子賀卡有佢三兄妹嘅合照。3人感情好好，好多年前麥美娟同哥哥細佬影咗一張好靚嘅相，當年相中嘅阿哥（右相右一），穿著皮褸、拎住個永安百貨手抽袋。


最近哥哥忽發奇想，發起影番一張pose相同嘅相，緬懷童年，所以阿哥專登搵件皮褸出嚟，而麥美娟就去永安買嘢，目的係搵個袋畀阿哥做道具！麥美娟就用咗呢兩張家庭照，化成2014年祝賀電子卡，一家人同大家講聲新年快樂。


（麥美娟提供）