警務處新主頁

【明報專訊】警務處近年一直緊貼科技潮流，除咗推出電子報案室同警隊專用YouTube頻道外，噚日又為警務處網頁嘅主頁改頭換面，希望可以突顯警隊嘅主要信息。全新設計嘅主頁頂部加咗動態橫額，提供警隊最新項目、主要消息、新聞公報同遊行集會通知等等。


另外，網頁中間部分就有白色圖標，配襯橙色背景顯示其他資訊，例如以「對話方塊」代表警察信息、手銬代表防止罪案、警帽代表警察招募、「e」代表電子報案室等項目連結，不過網頁嘅整體框架就無太大改動。警方發言人同Emily講，希望今次透過新平台，再進一步發放更多警隊信息，加強同市民溝通，同埋更方便用戶瀏覽。