新聞類別
財經
詳情#
【明報專訊】霸王集團（1338）嘅頹勢真係連「宇宙最強」嘅甄子丹都救唔到，2010年霸王兼賣涼茶，仲搵來甄子丹做代言人，但係噚日有內地行家報道，響去年7月霸王已經全面終止涼茶業務，以後集中精神搞番主業洗頭水。
睇番當年業績，2010年賣涼茶，第二年就帶來銷售收入1.67億元，佔當年成間公司總收入18.8%，成為集團第二大業務，但係同年因為洗頭水含致癌物報道，令公司業績急轉直下，就連涼茶嘅收入亦開始走下坡，2012年收入先得嗰0.18億元，營業額跌近9成；到去年上半年賣涼茶先賺得79萬元，比起最風光嗰陣差一大截。
連年虧損之下，由2010年到2013年上半年，霸王已經蝕足13.8億元，咁樣嘅形勢，你話仲點有餘力去繼續賣涼茶。
[小琴密語]
回應 (0)
