apm引馬入室迎馬年

【明報專訊】啱啱過完元旦，話咁快唔夠一個月又到農曆新年，兩個節日黐到實一實，大型商場當然希望乘着聖誕市道個勢，將購物氣氛提高，拉高營業額啦。新地（0016）旗艦商場之一觀塘apm，今年新年佈置及節日宣傳就用咗1000萬元，比舊年升近10%之餘，更創出歷年新高。嚟緊喺馬年，apm推廣主題係「駿馬躍動華麗園」，仲玩埋「引馬入室」，等市民可以喺室內拉着隻真馬影相，時間為本月18日及19日。


花千萬佈置宣傳 搞年貨團

新地代理租務總經理馮秀炎話，今年apm商場人流可能會達到1300萬人次（今年1月8日至2月16日期間），估計比舊年升10%至15%；生意額則估計會達到3.5億至3.7億，按年升近兩成。雖然內地經濟弱咗，但睇嚟新地仍然睇好內地客既購買力，嚟緊會搞55至75團「年貨團」，主要招呼來自廣州、深圳和東莞的內地客，仲預計每人使5000至2萬，額外帶嚟1600萬至3200萬元消費額，按年升近一成半。


[小琴密語]