「麻甩聯盟」去政改公聽會

【明報專訊】政改諮詢活動陸續有來，立法會政制事務委員會亦開始舉行特別會議同團體會晤，星期六首場朝九晚七，有200多個團體參加，唔少團體嘅命名好有創意，例如有「耶教異聞錄節目質素關注組」、「協助飯團入閘大聯盟」，亦有站高一點、看高一線嘅「雲外看特區關注組」。


團體命名有創意

普選同人人都有關，唔理你係麻甩定少女，所以有「麻甩建港聯盟」同「少女香港關心熱線」，唔知呢兩個組織過咗星期六之後，有無機會發展一下關係呢？

「雲外看特區」「助飯團入閘」

政制及內地事務局長譚志源噚日連走兩場區議會講政改諮詢，下午去完葵青區議會後就見到街工同民建聯請願，緊接去中西區議會就遇着民主黨要求普選無篩選，傍晚再踩上政務司長白加道官邸出席政改飯局，仲有公民黨郭家麒送出「混醬」。