快餐現108元鰻魚飯

【明報專訊】繼有餐廳推出過百元餐蛋飯引起網民熱議後，一向主打平民快餐食品嘅美心集團，旗下中高檔快餐品牌can.teen最近出咗款鰻魚飯，一盒飯連麵豉湯盛惠108元，嚇到Emily行過見到餐牌都驚呼一句。呢盒「蒲燒鰻魚飯」屬於「瀛の味」午市系列套餐，除咗白飯，仲有兩塊蒲燒鰻魚同一堆青豆，售價突破100蚊心理關口，抵唔抵食真係見仁見智，不過，Emily之前去中環店行過一轉就唔係好覺眼有人食。


根據美心網站，can.teen概念源自美國紐約式自助快餐，用餐環境有現代感之餘，亦提供各款國際美食，全港只得4間分店，分佈於中環、金鐘及大埔，似乎同平民港式快餐店有所不同。Emily噚日致電美心查詢，但至截稿前未有回應。