海洋公園「老大街」婚禮盛惠三萬八

【明報專訊】近年大搞婚禮套餐嘅海洋公園，趁今年雙春兼閏月，加上香港正吹復古風，決定推出「香港老大街」懷舊婚禮套餐，讓新人喺園內嘅唐樓舊街、復刻版電車同懷舊巴士前行禮，但價錢就比公園其他婚禮套餐貴1萬元。


公園早前已經推出套餐畀新人喺海洋館、摩天輪同埋海洋劇場行禮，全部盛惠2.8萬。今次嘅新套餐就以山腳纜車站旁邊嘅香港老大街為背景，再混入中式婚禮元素，收費貴少少，要3.8萬。公園餐飲部高級營運經理李國樑話，上年園方嘅餐飲業績增長一成，估計今年都會有8%增長。佢仲話今年都會出農曆新年同元宵、情人節套餐。


另外，公園將會喺情人節搞「愛聚香港」極速配對活動，已經開始接受報名，首3日有成700人報咗名，呼籲大家盡快把握機會，同世界各地男女配對一番咁話。