新聞類別
財經
詳情#
【明報專訊】近年好多公司開始做CSR（企業社會責任），連報紙都有專門跟CSR線嘅記者。儘管有啲公司可能純粹為咗人有我有，但都有啲公司真係落咗心思去搞。新世界百貨（0825）近日就約咗一班記者，分享他們呢一年喺社會公益方面嘅努力。
分享一年社會公益工作
為咗吸引多啲記者來，新百貨仲安排大家聽完後一齊整蘿蔔糕。咁樣又為公司做咗推廣，又順便拜個早年，歡歡樂樂一舉兩得。
唔講唔知，原來新百貨喺內地幫助咗好多貧困學童。例如，由舊年7月起資助上海郊區奉賢區一班農民工子弟學校嘅小學生，讓他們學習樂器、唱歌、跳舞、書法、英語等藝術或技能。
贊助留守兒童與父母通話
最近，佢哋又籌畫緊一個叫千里傳音嘅活動，計劃喺全國分店收集大家唔用嘅手提電話，再轉贈俾青海省嘅「留守兒童」。留守兒童嘅父母大多去到大城市打工，有時一個月都無辦法同子女通電話，而新百貨今次就會贊助通話費。佢哋話，今次活動已收到400部電話，預計可以幫到大概4000個留守兒童，即10個人用1部電話。小琴想下自己呢類成日換電話嘅人，真是好羞愧。
[小琴密語]
分享一年社會公益工作
為咗吸引多啲記者來，新百貨仲安排大家聽完後一齊整蘿蔔糕。咁樣又為公司做咗推廣，又順便拜個早年，歡歡樂樂一舉兩得。
唔講唔知，原來新百貨喺內地幫助咗好多貧困學童。例如，由舊年7月起資助上海郊區奉賢區一班農民工子弟學校嘅小學生，讓他們學習樂器、唱歌、跳舞、書法、英語等藝術或技能。
贊助留守兒童與父母通話
最近，佢哋又籌畫緊一個叫千里傳音嘅活動，計劃喺全國分店收集大家唔用嘅手提電話，再轉贈俾青海省嘅「留守兒童」。留守兒童嘅父母大多去到大城市打工，有時一個月都無辦法同子女通電話，而新百貨今次就會贊助通話費。佢哋話，今次活動已收到400部電話，預計可以幫到大概4000個留守兒童，即10個人用1部電話。小琴想下自己呢類成日換電話嘅人，真是好羞愧。
[小琴密語]
回應 (0)
