富人需要什麼而窮人無？

【明報專訊】近日網上流傳一條聲稱係聖方濟各小學嘅面試題（見圖），Emily見到都呆咗一呆，皆因呢條題目都幾難，仲似乎有灌輸「有錢大晒」價值之嫌。不過，Emily打畀聖方濟各英文小學校長劉偉明查證，原來呢條題目係假嘅，佢仲話﹕「呢啲咁歧視嘅問題我哋點會問？」


校長：歧視問題點會問？

條題目要用一個英文字詞填晒4句句子中嘅空格，總算係大學畢業嘅Emily諗咗成5分鐘，先諗到答案係「nothing」。其中第一句「A rich man needs 'nothing'（一個有錢人什麼也不需要）」，同第二句「A poor man has 'nothing'（一個窮人一無所有）」，簡而言之就係話「錢係萬能」，好彩呢條唔係真係小一入學面試題，如果唔係Emily真係冇眼睇。