雙馬賀年品 各有千秋

【明報專訊】舊年內地「雙馬」騰訊（0700）主席馬化騰，同阿里巴巴主席馬雲喺科網界叱咤風雲。仲有個零禮拜就踏入馬年，隨時又再係「雙馬」繼續發威嘅一年。小琴噚日收到兩位馬生嘅賀年禮物，馬化騰幫隻吉祥物企鵝著返件飛馬衫（圖），喻意「翱翔直上」，希望股價都一樣啦。


至於馬雲用自創「馬體」書法，寫咗個福字喺利市封上面（圖），就咁睇好似太極圖，夠晒個人特色。不過，小琴就貪心啲，最好梗係接到兩位馬生嘅大利市，入面當然唔入現金，而係入股份啦。


[小琴密語]