新聞類別
財經
詳情#
【明報專訊】今個新春要吸金，商家都絞盡腦汁，周大福（1929）就派出奇兵米奇，噚日獨家推出迪士尼經典系列飾品，瞄準對米奇、小熊維尼（圖）等情有獨鍾的中港買家。周大福在尖沙嘴iSquare分店入邊擺咗一隻身高90厘米、體重280両嘅巨型足金米奇，唔計手工費，閒閒哋都要370萬港紙，不過fans買得起都冇用，因為呢座巨型米奇係非賣品。
但如果真係想喺屋企擺個迷你版金米奇，都可以同周大福預訂，價錢就要自己私下傾。為咗襯托米奇同米妮嘅情侶形象，噚日活動都請來熒幕情侶翠如BB同洪永城撐場，不過財經記者更加關心周大福近排新年嘅銷情如何，可惜雖然集團執行董事孫志强都有來，但一問到新春有乜嘢銷售目標，最近兩星期銷情如何，孫生就一律唔開金口，令到班記者幾沮喪，女記者唯有影下米奇，男記者唯有同翠如BB合照啦！
email: [email protected]
[小琴密語]
回應 (0)
