新聞類別
財經
詳情#
【明報專訊】霸王（1338）被指洗頭水含有致癌物質「二噁烷」嘅事件，近日愈演愈烈。日前竟然有霸王上海員工，闖入當地報章《每日經濟新聞》總部，並發生推撞記者事件，睇來事件有排搞。
早前，國家食品藥品監督管理局話，抽檢霸王樣品後確認，產品中嘅「二噁烷」含量水平，不會危害人體健康。霸王嘅產品香港亦有賣，之但係至今未有權威機構公布化驗結果。不過，大家可能唔使等好耐，事關小琴收到採訪通知，由中華廠商會檢定中心與國際化妝品（亞太）聯合研究發展中心，聯合成立嘅「香港化妝品技術資源中心」，後日（5日）會公布，就33種市面上銷售嘅個人護理及清潔用品中二噁烷含量嘅調查結果，其中一位講者係香港科技大學化學系副教授楊霖龍博士。
雖然採訪通知，並未有詳細講明，該中心化驗咗邊幾種牌子。之但係，霸王洗頭水引起咁多關注，應該都會係化驗對象之一啩！
回應 (0)
