新聞類別
財經
詳情#
【明報專訊】上周五政府突出招壓抑樓市，措施中包括禁止一手摩貨（成交前已轉讓），以及收緊非自住物業按揭至六成等，矛頭直指炒家。不過，資深物業投資者亦已早着先鞭，有「玩具鄭」之稱的玩具城主席鄭躬洪表示，由於現時一手樓價已居高位，故近月未有購入一手物業，反而先將九龍站豪宅天璽及凱旋門單位趁高位沽出，套現後換馬連掃較為低水的灣仔伊利沙伯大廈及會景閣等二手物業，涉及約4000萬元。
「買樓睇中長線」
他稱，樓價已急升一段時間，早已預料政府將出招壓抑樓市。「家一手樓好貴，我買伊利沙伯大廈，呎價都係7000多元，會景閣呎價亦都只係約8000至9000元，遠比一手樓低水，即使政府唔禁止一手摩貨，我都暫時唔會買一手樓……家買樓就要睇中長線。」
另一投資者、有「洋參大王」之稱的楊永仁則表示，政府出招短期會對樓市有心理上的影響，但由於息口太低，資金太多，實際影響不大，預計樓價將先輕微下調3％至5％後橫行，相信年底前樓價仍將平穩發展。
「我啲樓做按揭多數係六成，部分更低至二至三成……政府推出3幅地皮（指下月底推出的柴灣、粉嶺及紅磡地）都係得540伙，長遠供應仍然太少。」
洋參大王：新9招僅心理影響
去年樓市尚未擺脫海嘯影響時，斥2億元向新地（0016）大手掃入新蒲崗譽•港灣30伙的楊永仁，近月已陸續「摩」出獲利。他坦言，暫時不會購入一手單位。「我慣咗市冧先掃一手樓，家揸住啲貨好價先會沽出，但個別豪宅如跑馬地樂景園，家升到7000多萬元，比買入價3000萬元升咗成一倍有多，由於地段靚，會惜貨不售。」
回應 (0)
