黃遠輝等iPad二代

【明報專訊】iPad嘅盛行，小琴感受得好真切，因為身邊嘅朋友已經陸續買咗iPad嚟玩。攞上手又輕，睇片睇相嘅畫面又美輪美奐。原來，連賓架黃遠輝（工銀亞洲董事兼副總經理）（圖）都對iPad有興趣，但係佢想等第二代iPad出先至買，因為聽講有埋USB插槽咁話。

小琴不禁覺得Stanley（黃的洋名）好潮，雖然佢唔係高科技嘅潮流一族，但最近都無端端變成蘋果迷，開始用iPhone，仲好有前瞻性咁想用第二代iPad。佢話最近呢兩年，雖然冇乜機會用notebook（筆記型電腦），因為日日唔係返工，就係返屋企，出差機會又唔多。不過日後退休嘅話，都想整返部iPad，既可睇電子書，查閱電郵、睇相、睇電影，「一件搞掂晒，咁幾好呢」。