呂志和唞暑

【明報專訊】人稱「新賭王」嘅嘉華國際主席（0173）呂志和，少有咁缺席噚日舉行嘅中期業績發布會，轉由佢千金兼公司執董呂慧瑜主持。記者都好奇點解呂志和缺席，追問呂慧瑜佢爸爸點解唔到，係咪有健康問題，又或者係唔係打算淡出生意。一問之下，先知道原來新賭王，每年八月炎炎夏日，都會離開香港，出外唞暑。

每逢8月放「暑假」

原來，嘉華往年都會喺9月底先會開中期業績會，呂志和每年都會遊完埠，叉足電後出席。嘉華財務董事曾慶洪話，港交所今年改變規例，要求公司要喺業績期兩個月內公布業績，同主席假期撞期，所以一向妙語連珠嘅「新賭王」就無到，令到記者會失色不少。咁呂志和係咪以後中期業績都唔出席呢？曾慶洪就話，要睇主席呂志和以後會唔會將一年一度嘅抖暑假期遷就一下喇。