監警會新劇 方凝改行當差

【明報專訊】監警會同香港電台再次合作推出全新單元劇《監警有道》，用真實個案改編做8集單元劇，等市民有實例知道一下監警會點樣處理投訴個案。噚日監警會舉行啟播禮，Emily都去咗睇吓預告片，發現原來近期熱門港視劇集《導火新聞線》嘅主角、採主方凝，竟然「轉行」做咗警察！


睇真啲，原來周家怡喺呢套劇做警察。「方凝」噚日冇嚟，但其他演員包括莊思敏、吳日言、周浚偉等都有到場，仲由監警會委員鄭承隆訪問佢哋。莊思敏仲對投訴程序「上晒腦」，識得糾正鄭承隆佢個角色係疑犯唔係犯人。


至於「方凝」喺戲內有咩發揮，就要留意節目。單元劇由今日起8個星期二，夜晚7點，喺港台電視31同無綫翡翠台有得睇。