超盈籌辦博鰲亞洲青年論壇

【明報專訊】由富豪第二代、建制派二代等人組成嘅菁英會，今年中就會舉行周年大會選出新一屆執委，賭王何鴻燊嘅女兒何超盈都有意參選。何超盈話好希望可以參與公共事務，回饋社會，特別「想為青少年做點事」。今年何超盈仲擔大旗，幫手籌備由博鰲亞洲論壇同菁英會聯合舉辦嘅「博鰲亞洲青年論壇（香港）」，出任論壇籌備委員會聯席主席。


有意參選菁英會執委

今年嘅博鰲亞洲青年論壇會喺本月20及21日於會展舉行，主題係「結構變革中的亞洲：青年的前瞻與角色」，一如以往請到多名重量級嘉賓出席，包括特首梁振英、中聯辦主任張曉明、阿里巴巴集團副總裁車品覺，以及中國銀監會前主席劉明康等。


菁英會噚日舉行記招介紹今年嘅論壇，超盈話香港嘅青年好有思想，但可能知識唔夠廣闊，因為未必每個人都有機會可以出國讀書，所以希望將來搞多啲活動增進青少年嘅國際視野。