金管局收銀車收7700萬神沙

【明報專訊】金管局舊年推出收銀車堪稱「德政」，尤其係小琴啲婆仔朋友，佢哋話部車幫佢哋解決成屋碎銀嘅煩惱。噚日金管局就公布，由舊年10月推出到家，佢哋已經收集咗7800萬個神沙，平均每個「唱錢客」攞咗近900個銀仔出嚟，你都咪話唔誇張。


平均每人唱咗897個硬幣

金管局噚日宣布咗兩部收銀車新嘅服務日程表，原來兩部收銀車投入服務以來，已經向超過8.7萬名市民提供服務，收集總共7800枚硬幣，總面值7700萬港元，除番開平均每人拎咗897個硬幣出嚟，假設全部係1蚊銀，堆散銀都有成5、6公斤重！

家兩部收銀車喺全港18區輪流服務，一般視乎收銀車停駐地點嘅情况同埋車輛維修安排，每部收銀車會喺同一地點停留一個星期，服務時間係上午9時至晚上7時。市民可以將硬幣轉換成鈔票或用嚟八達通卡增值，又或者將款項放入車內嘅公益金捐款箱。


[小琴密語]