耀才配合大時代增聘百人

【明報專訊】雖然唔少券商都開始轉吹淡風，但一向在市場上都有自己獨特睇法、唔跟風嘅耀才證券（1428）應該幾睇好後市，因為耀才最新表示，因應港股大時代同埋配合業務發展，昨日開始一連兩天舉辦大型招聘會，仲講到明啱就即請，目標係請100人！

耀才證券主席葉茂林仲講到，復活節後單是該公司開戶人數已超過7000人，係平時開戶人數2.5倍，令前線班員工日日都要開OT，有啲仲要加班加到半夜12點，所以為深港通準備就先請定人手，仲話新畢業或冇相關經驗人士都係考慮範圍之列