新聞類別
副刊
詳情#
【明報專訊】羅太錯搵兩不合資格市民
全國人大代表包括譚惠珠（珠姐）、羅范椒芬及蔡素玉等，噚日齊齊去到建制派「地盤」北角，參與「保普選反暴力大聯盟」嘅政改簽名街站。羅太唔止自己簽名，仲好賣力主動蒐集途人簽名，短短個半鐘就搵到60幾個簽名，絕無欺場。不過，羅太可能唔太熟書，擺烏龍搵咗啲未夠18歲、未係香港永久居民嘅市民簽名。
今次大聯盟講明係收集任何年滿18歲、有資格做選民嘅市民簽名。雖然羅太搵咗兩個不符資格嘅市民，其中一個係小學生，但相信對整個大聯盟嘅簽名數目無大影響嘅。
蔡素玉被質問提委代表性
人大代表喺自己友地方宣傳政改當然安全，但其間都遇到一兩個持反對聲音嘅市民，當中珠姐噚日派政改傳單時，被一個男人從後拎走單張，仲當面撕爛，場面有啲尷尬。不過，珠姐無嚇驚，仲豎起拇指回應
回應 (0)
