紐約美食車牌黑市有價

【明報專訊】財政司長曾俊華喺今年嘅財政預算案建議將美食車（food truck）引入香港，立法會秘書處就好認真研究世界各地美食車營運情况，包括台灣、新加坡、英美加及澳洲等。研究發現，美國嘅美食車市場相當龐大，2010至2014年間美食車市場營業收益平均每年增長9.3%，預計本年度營業額高達67億港元。


香港人最鍾意去台灣「掃街」食嘢，立法會嘅研究發現當地並無規管美食車營運。而美食車當道嘅美國，唔同城市會各自制訂美食車政策，其中洛杉磯可以話係最寬鬆，因為對美食車營業時間同地方甚少限制；三藩市就有規定營業地點；紐約就仲嚴謹，指明有啲地方唔可以營業，亦有就美食車牌照設上限，所以令牌照嘅黑市應運而生，唔少人會購買、租借美食車牌照。