悼勞永樂 中環設弔唁冊

【明報專訊】醫學會前會長勞永樂上周因為肺癌離開，終年60歲，本身係傳染病專科醫生嘅勞永樂生前活躍政壇，做過立法會議員，對於醫療政策敢言直諫，唔少市民都熟悉佢，醫學會安排咗弔唁活動，本周六至下周五喺中環醫學會專業教育中心放置弔唁冊，等公眾人士可以向勞醫生致意。


醫學會早前話勞永樂生前已經交帶後事，希望一切從簡，發言人透露本月23號家屬安排咗追思會，喺灣仔聖雅各堂舉行，但詳情要稍後決定。