VTC周六有免費talk

【明報專訊】職業訓練局（VTC）嚟緊星期六（23日）會喺香港知專設計學院搞50場講座，搵咗一班星級嘉賓免費同有興趣進修嘅人分享業界種種，Emily就聽到其中包括同謝霆鋒合作嘅PO朝霆常務董事楊文傑、《盛女愛作戰》幕後顧問「鑽石媒人」吳美玲（Mei Ling）、香港著名股評家黃德几、「蜘蛛女」鄭麗莎等。


Emily見到有啲talk嘅題目都幾多元化，好似由IVE幼兒教育及社會服務系幼兒教育中心主任鄭曉萍、註冊音樂治療師李君旭同資深幼稚園校長黃秀嫻講「BB潛能大開發」，又有COMING department董事及形象設計顧問Jerrynova教大家造型形象，賽馬會山光道會所主理廚師彭萬昌講煮嘢食，仲有電盈企業方案高級移動軟件開發員陳威宇為大家揭開手機應用軟件嘅秘密等。


至於星級嘉賓，楊文傑則會講亞洲廣告同電影後期製作嘅新趨勢，而Mei Ling梗係唔少得講點樣識女仔男仔啦。


講座於當日下午2時至5時，地點係調景嶺港鐵站A2出口嘅知專學院。有興趣嘅朋友可於網上（http://www.vtc.edu.hk/cpe/infofair）即時報名。