一股碎股 想踢走甘比家姐

【明報專訊】咩咁大仇口？噚日華置（0127）股東會，小琴發現投票甘比家姐陳詩韻連任董事議案，竟然零零丁丁有一股投票反對！小琴不禁諗，咩令到一個人咁大仇口，要特登用一股碎股嚟反對陳詩韻連任呢？

今年4月，大劉紅顏知己呂麗君已經離開華置，另奔前程。佢係2012年7月加入華置，同一時間，大劉女友甘比嘅家姐陳詩韻，都獲委任為華置執行董事。呂麗君負責內地及海外投資項目，而甘比家姐則負責市場推廣、物業銷售及租務，兩人似乎多年合作無間，地位都平起平坐。今年4月劉母喺瑪麗醫院病逝，訃聞上列出大劉直系親屬姓名，雖然呂麗君同甘比嘅名都未有印喺訃聞度，但兩人所生的一對仔女——呂麗君所生嘅女兒秀盈同囝囝子鋒，以及甘比所生嘅女兒秀樺同兒子仲學，都有喺訃聞出現。


email: piano@mingpao.com

[小琴密語]