自訂車牌現「G00GLE」底價五千

【明報專訊】美國嘅Google公司市值3600多億美元，想買佢嘅股票都唔平，但喺香港想「買起」「G00GLE」，拍賣底價只係5000港元。Emily講緊嘅係5月31日（周日）舉行嘅運輸署自訂車牌拍賣會。


每次自訂車牌拍賣，都有唔少車主發揮創意，今次就有似Google名嘅「G00GLE」。如果嫌佢貴，可以投個「最平嘅號碼」——「0NE CENT」（1仙？）。大家亦可以將心愛嘅人名甚至球隊名掛喺車度，今次有個車牌「FCB」，究竟係人名英文簡寫定係呢個創作者鍾意睇西甲呢？不如大家自己估吓，球迷們，你懂的！


過去多次拍賣，LOVE都係穩膽，今次都唔例外，有「K L0VE K」、「L0VE CYK」等，仲有一個「AY Z0E」，唔知大家會點讀呢個車牌呢？

呢批為數259個車牌，5月31日上下午喺灣仔香港會議展覽中心L4樓S421會議室舉行拍賣，每個底價5000元。