葛珮帆倡弱智者自願登記

【明報專訊】民建聯葛珮帆噚日去信勞工及福利局，建議局方為弱智人士設立自願登記名冊，畀警方同海關等前線人員遇到自稱弱智或者懷疑弱智人士時，可經獲授權人士查核紀錄，確認身分，通知家人或社工去照顧。社福界立法會議員張國柱慨嘆建議無聊，話現行已經有指引點樣協助弱智人士，又質疑登記冊會引起私隱問題，「我覺得外國都未必有（登記冊），可能博士（葛珮帆）係叻啲」。


葛珮帆話近日警方誤拘一名智障者嘅事件，以及多年前入境處將一個智障者當作內地兒童送往深圳，反映前線人員缺乏辨認同支援弱智人士嘅指引同經驗，相信登記冊不但可以保護弱智人士權益，仲可以避免有人詐稱弱智人士而唔同前線人員合作。


張國柱話，家嘅機制下，警員遇到弱智人士可以直接搵社工幫手，又話如果警方唔覺得當事人係弱智，有登記冊都無用。