法國工作假期 名額倍增至400

【明報專訊】年輕人又有好消息喇。特區政府同法國政府達成協議，由於香港/法國工作假期計劃反應熱烈，2015年度名額會由200個增至400個。


有關計劃2013年先實施，任何年齡介乎18至30歲、持有效香港特區護照或英國國民（海外）護照，而又從未參與香港/法國工作假期計劃嘅香港青年人都可以申請，其間喺法國逗留不超過12個月，可做短期工作，但受聘於同一僱主嘅工作時間不得超過6個月，亦可選擇修讀不超過6個月嘅短期課程。


自2001年以來，香港已經同10個經濟體系建立雙邊工作假期計劃安排，除咗法國，仲有新西蘭、澳洲、愛爾蘭、德國、日本、加拿大、韓國、英國和奧地利。至今逾5萬香港青年參與上述計劃。