王健林「買起」蒼井空？

【明報專訊】當年內地「熱血」青年反日示威，高叫「釣魚島是中國的！蒼井空是世界的！」呢句咁經典嘅口號，噚日差啲要改做「蒼井空是中國的」。話說內地首富萬達集團董事長王健林，揸住嗰隻喺深圳上市的萬達院線，之前嗰排升到「洪洪聲」，喺5月13號嗰陣仲停埋牌，話有動作喎。


連日嚟都有唔少傳聞話萬達院線會收購影視公司，點知噚日驚現萬達變身做第一隻「日本AV（成人影片）股」，話公司要收購日本最大成人影片製作公司No.1 Style（S1），將一眾AV女優收歸旗下。呢間S1當然唔嘢少啦，好多家好出名嘅女優都幫佢哋拍過愛情動作片，就連大家都識嘅「蒼井老師」自然都有份啦。


好可惜，單料其實係流嘅，蒼井空依然都係世界嘅。不過，諗深一層「日本製造」不嬲都有質素保證，如果變成「中國製造」，唔知會唔會好似「動作片大哥」成龍咁講「中國的會爆炸」喇。


[小琴密語]